दर्ता नं: १३/०८०/०८१ | बुढानीलकण्ठ नगरपालिका, काठमाडौं

जनसूचना सहकारी संस्था लि.

Womenpreneurs 4 Plastic परियोजना अन्तर्गत महिला सशक्तिकरण र पर्यावरण संरक्षणका लागि समर्पित सहकारी

About Us

संस्थागत पृष्ठभूमि र लक्ष्य

                            नेपाल लगायत एशियामा बढ्दो प्लास्टिक प्रदूषणले मानव तथा जीवजन्तुको स्वास्थ्यमा र वातावरणमा ठूलो असर पारेको छ । फोहोरमैलाको विशेषज्ञगरी प्लास्टिकजन्य फोहोरको उचित व्यवस्थापन हुन नसक्दा वातावरणमा पर्ने नकारात्मक असरहरुबारे हालका विभिन्न पक्षसँगै मानव स्वास्थ्यलाई समेत हानी भइरहेको छ । यी हानिकारक असरहरुबारे आम-मानिसमा ज्ञानको कमी छ ।
नेपालमा फोहोरमैलाको व्यवस्थापन गर्ने र प्लास्टिकको प्रयोग घटाउन राष्ट्रिय तथा स्थानीयतहबाट विभिन्न ढंगले प्रयास भएतापनि सफलता भने धेरै कम देखिन्छ । फोहोरमैला सम्बन्धम...नेपाल लगायत एशियामा बढ्दो प्लास्टिक प्रदूषणले मानव तथा जीवजन्तुको स्वास्थ्यमा र वातावरणमा ठूलो असर पारेको छ । फोहोरमैलाको विशेषज्ञगरी प्लास्टिकजन्य फोहोरको उचित व्यवस्थापन हुन नसक्दा वातावरणमा पर्ने नकारात्मक असरहरुबारे हालका विभिन्न पक्षसँगै मानव स्वास्थ्यलाई समेत हानी भइरहेको छ । यी हानिकारक असरहरुबारे आम-मानिसमा ज्ञानको कमी छ ।
नेपालमा फोहोरमैलाको व्यवस्थापन गर्ने र प्लास्टिकको प्रयोग घटाउन राष्ट्रिय तथा स्थानीयतहबाट विभिन्न ढंगले प्रयास भएतापनि सफलता भने धेरै कम देखिन्छ । फोहोरमैला सम्बन्धमा नकारात्मक छ । फोहोरमैला भन्ने वित्तिकै काम नलाग्ने, कतै फ्याँक्ने वस्तु हो भन्ने बुझाइ छ । फोहोरमैला प्रतिको विद्यमान धारणा परिवर्तन हुन जरुरी छ । फोहोरमैलालाई फ्याँक्ने वस्तुका रुपमा नभई अवशोषका रुपमा बुझ्न जरुरी छ । फोहोरमैला विशेषज्ञगरी प्लास्टिकजन्य फोहोर सित्तैमा फ्याँक्ने वस्तु नभएर आम्दानी लिने स्रोत पनि हो भनेर बुझ्न र बुझाउन जरुरी छ । स्थानीय समुदायहरु फोहोरमैलाका सम्बन्धमा सचेत हुनुपर्दछ । फोहोरमैला उत्पादनको मूल स्रोत मध्यमा घर-समुदाय अनि पर्दछन् । विशेषज्ञगरी महिलाहरू सचेत भए भने फोहोरमैलाको उचित व्यवस्थापन गर्नमा र समुदायहरूमा प्लास्टिक प्रदूषण न्यूनीकरण गर्नमा ठोस योगदान पुग्न सक्छ ।
बस्ती-बस्तीमा बसोबास गरिरहेका समुदायहरूमा प्लास्टिक प्रदूषण न्यूनीकरणका सम्बन्धमा सशक्तीकरण गर्ने स्वावलम्बन विधि र पद्धतिबाट संगठित गरी सहकारीका माध्यमबाट फोहोरलाई मोहरमा परिणत गर्दै वातावरण संरक्षण गर्ने र स्वास्थ्यमा पर्ने नकारात्मक असर घटाउने कार्यमा योगदान गर्ने सोच राखेर जनसूचना स्वावलम्बन पर्यावरण संरक्षण सहकारी संस्था लि. गठन भएको हो ।
लक्ष्य तथा उद्देश्यहरू:
यस सहकारीले फोहोरमैला (अवशेष)को उचित व्यवस्थापनमा योगदान दिई वातावरण संरक्षणमा सहयोग गर्ने, फोहोरमैलाका नकारात्मक प्रभावहरू कम गर्ने, महिला सशक्तीकरण गर्ने र आय आर्जनका अवसर सिर्जना गर्न लक्ष्य राखेको छ । साथै, समुदायमा फोहोरमैलाले गर्दा हुने प्रदूषण न्यूनीकरण गर्न र महिलाहरूको सशक्तीकरण गरी आय आर्जनमा बढोत्तरी गराउनु यस सहकारीका प्रमुख उद्देश्यहरू हुन् ।
गतिविधिहरू:
सहकारीले आफ्ना लक्ष्य तथा उद्देश्यहरू पुरा गर्न निम्न गतिविधिहरू गर्दछः
१. सहकारीले समुदायमा समूहहरू गठन गराई वा भइरहेका समूहहरूलाई फोहोरमैला (अवशेष) सम्बन्धी सचेतीकरण र फोहोरमैला घटाउने, पुनः प्रयोग गर्ने र पुनः प्रयोग गर्ने (3R) सम्बन्धी तालीम दिने गर्दछ ।
२. यस्ता समूहहरूलाई सहकारीमा जोडिन अभिप्रेरित गर्दै र सदस्यहरूले घरैमा छुट्टाएर राखेको पुनः प्रशोधनयोग्य फोहोरमैला खरिद गर्ने गर्दछ ।
३. “अवशेषबाट विशेष” नाम दिई सुरु गरेको फोहोरमैला सङ्कलन अभियान अन्तर्गत सङ्कलन गरेको फोहोरमैला (अवशेष) सहकारीले आफ्नो सङ्कलन केन्द्रमा थप वर्गीकरण गरी भण्डारण तथा बिक्री गर्दछ । बिक्री बापत भएको आम्दानीबाट प्राप्त मुनाफा पनि सेयर सदस्यहरूले प्राप्त गर्दछन् ।
४. सहकारीको आफ्नै प्लास्टिक स्तरोन्नती गर्ने संयन्त्रबाट प्लास्टिक टुक्राउने गरी त्यसबाट प्लास्टिकका फर्निचर सामग्री उत्पादन गर्दछ ।
५. सहकारी संस्थाको सिकाई केन्द्र मार्फत सहकारीका गतिविधिहरू सम्बन्धी सरोकारवालाहरू समक्ष जानकारी प्रस्तुती गर्ने गर्दछ ।
६. सहकारीका सदस्य बाहेक गैर सदस्य, होटल, व्यापार-व्यवसाय तथा पार्टी प्यालेसहरूबाट समेत अवशेष सङ्कलन गर्ने र आर्थिक लाभ दिने गर्दछ ।
७. सहकारीका सेयर सदस्यहरूलाई व्यवसाय गर्नका लागि सहकारीको विनियम अनुसार ऋण स्वरूप लगानी गर्दछ ।
८. विभिन्न राष्ट्रिय तथा अन्तर्राष्ट्रिय दिवसमा स्थानीय सरकार, विद्यालय तथा समुदायहरूसँगको सहकार्यमा सचेतनामुलक कार्यक्रम तथा संघीय सरकारसँग समन्वय गरी सहकारीका उद्देश्यहरू अगाडी बढाउँछ ।
९. स्थानीय, प्रदेश तथा संघीय सरकारसँग सम्पर्क समन्वय गरी सहकारीका उद्देश्यहरू अगाडी बढाउनुका साथै विदेशी संघ संस्थाहरूसँग सहकार्य गर्दछ । Read More                        